మలాయి కోఫ్తా

kumbhakarna · 05-22-2008, 06:08 PM #1

మలాయి కోఫ్తా

సాధారణంగా తెలుగు వాళ్ళు హోటల్స్ కి వెళ్ళినపుడు ఉత్తరాది వంటకాలు ఆర్డరివ్వడం ఫాషనైపోయింది. కానీ, అన్నీ బావుంటాయనే గ్యారంటీ లేదు. అందుకే, అలవాటైన షాహీ పనీర్, మలాయి కోఫ్తా వంటివి క్షేమం. ఏ హోటల్లోనయినా ఇవి మినిమం గ్యారంటీ గా బావుంటాయి. ఇప్పుడు ఇది ఇంట్లో ఎలా చేసుకోవాలో చూద్దాం.

కావలసిన వస్తువులు:

బంగాళాదుంపలు: పావు కిలో
కారెట్, బీన్స్: పావు కిలో
టొమాటోలు: పావు కిలో
ఉల్లిపాయలు: పావు కిలో
పచ్చి బఠానీలు: 100 గ్రా
క్రీం: కొద్దిగా
అల్లం వెల్లుల్లి మిశ్రమం: 2 చెంచాలు
లవంగాలు, దాల్చిన చెక్క: కొద్దిగా
బ్రెడ్: 4-5 స్లైసులు
కార్న్ ఫ్లోర్, శెనగ పిండి, ధనియాల పొడి, కారం, సోడా ఉప్పు: ఒక్కో చెంచా
జీడిపప్పు, 50 గ్రా
గసగసాలు: ఒక చెంచా

చేసే విధానం:

ముందుగా జీడిపప్పు, గసగసాలు రుబ్బి విడిగా ఉంచుకోవాలి. బంగాళా దుంప, కారెట్ ఉడికించి, మెత్తగా చేసి, దానికి ఉడికించిన బీన్స్, మటర్ (పచ్చి బఠానీలు) కలిపి, దానికి శెనగపిండి, కార్న్ ఫ్లోర్, తగినంత ఉప్పు, గరం మసాలా, కారం, సోడా ఉప్పు, అల్లం వెల్లుల్లి ముద్ద కలిపి చిన్న చిన్న ముద్దలు చేసుకోవాలి. తరువాత వీటిని పొడవుగా కోఫ్తా ఆకారంలో తయారు చేసుకుని, ఎర్రగా వేయించి, పక్కన ఉంచుకోవాలి.

మరొక బాణలిలో నాలుగు గరిటెలు నూనె వేసి, కాగాక సన్నగా తరిగిన ఉల్లిపాయలు, అల్లం వెల్లుల్లి వేసి, అవి వేగాక టొమాటో గుజ్జు వేసి, గరం మసాలా, ఉప్పు, కారం, పసుపు, ధనియాల పొడి వేసి వేయించాలి. దానిలో జీడిపప్పు, గసగసాల మిశ్రమం, క్రీం వేసి, చిక్కబడే వరకూ వేయించాలి. ఇప్పుడు కోఫ్తాలపై, ఈ గ్రేవీని వేసి, రుచికి తగినట్టూ, కొత్తిమీర, క్రీం వేసి, చపాతీలకు వడ్డించాలి. ఇదెంతో బావుంటుంది.

RedCherry · 05-23-2008, 02:19 AM #2

very good recipe...thanx kumbhakarna....

X-Clue-siv · 05-24-2008, 03:29 AM #3

?????? ??????? ........... ?????????? ????????????????????
??? !!!! ????????

smart · 07-29-2008, 03:23 AM #4

thanq very much